Në kulmin e epidemisë së Koronavirusit, i cili ka vrarë 107 njerëz në Itali, mediat kanë sjellë shpërqëndrimin e duhur nga situata duke folur për lidhjen e re romantike të Silvio Berlusconi-t.
Ish-kryeministri i Italisë është ndarë nga e dashura e tij afatgjatë, siç raportohet së fundi dhe është lidhur me një vajzë 54 vjet më të vogël.
Miliarderi 83-vjeçar ka lënë zonjën 34-vjeçare Francesca Pascale pas një marrëdhënieje 12-vjeçare me të.
Por çifti është ndarë me terma shoqërorë, siç bën me dije partia e tij Forza Italia në një deklaratë të mërkurën (4 mars).
Zonja Pascale, e cila dikur tha në një intervistë se i kërkonte Berlusconi-t të martohej me të çdo ditë, është habitur nga deklarata sipas të përditshmes “Repubblica”.
” I uroj gjithë lumturinë në botë dhe shpresoj që ai të gjejë dikë që do të kujdeset për të ashtu siç bëra unë”, tha zonja Pascale.
Por kush është vajza e re që i ka rrëmbyer zemrën?!
Mediat shkruajnë se është një 30-vjeçare Marta Fascina, pjesë e partisë së tij.
E diplomuar në Filozofi në universitetin La Sapienza, Romë, ajo ka punuar në zyrën e shtypit të Milanit dhe më pas në fondacionin Milan.
Berlusconi mbizotëroi në politikën italiane për më shumë se dy dekada me gjithë skandalet seksuale, gafat dhe telashet ligjore.
Ai u dënua në 2013-n me shtatë vjet burg pasi pagoi një 17-vjeçare të njohur si “Ruby the Heart-Stealer”, akuzë kjo që u rrëzua më vonë.
