Përpos Arilena Arës, e cila do të përfaqësojë Shqipërinë, këngëtari i talentuar Gjon Muharremaj është përzgjedhur për të përfaqësuar Zvicrën. Kënga e tij, “Repondez-moi”, e kënduar në frëngjisht, ka triumfuar në Zvicër dhe tashmë artistit shqiptar i është besuar përfaqësimi në festivalin e madh.
Kënga e Gjon është përzgjedhur si më e denja për ta përfaqësuar Zvicrën nga një juri prej 100 personash. Gjithsej në konkurrim morën pjesë nga 515 këngëtarë. Kjo është e para pas 10 vjetësh që do të këndohet në gjuhën frënge.
Fillimisht, Gjoni e bëri për vete publikun shqiptar me pjesëmarrjen në “Albanian’s got talent” kur ishte në moshë të vogël, ndërsa më vonë mahniti Francën me zërin e tij në “The voice of France”.
