Gjykata e Përmetit ka dhënë sot maësn e sigurisë për Betim Shkupin, administratorin e UET. Sipas informacioneve mësohet se gjyqtari Pëllumb Vehbiu ka dhënë masën e sigurisë “Arrest në shtëpi”.
Gjykimi i administratorit të UET, u nga nga grupi me mbi 30 të arrestuar në operacionin “Mezhgorani”, pasi gjatë ditës djeshme gjyqtari i i çështjes, Dritan Hasani tha se kishte qenë shok fakulteti me Shkupin dhe kishte konflikt interesi.
Gjatë ditës së djeshme pas një seance maratonë që zgjati më shumë se nëntë orë, gjyqtari Dritan Hasani la në masën “detyrim paraqitje”, pronarin e Universiteti Europian të Tiranës, botuesin Henri Çili. “Detyrim paraqitje” u dha edhe për dhjetë persona të tjerë, mes tyre noterja Shpresa Gjoçaj dhe dy vajzat, Kristina Bashi dhe Kejsi Meço.
