Operacioni i policisë së Përmetit i koduar “Mezhgorani” është dekonspiruar nga një gjyqtare.
News 24 zbuloi detaje nga dekonspirimi, sipas të cilit botuesi dhe analisti Henri Çili është njoftuar nga një gjyqtare, e cila e ka njoftuar atë nëpërmjet familjarëve se do të arrestohej.
Për këtë arsye, gjyqtarja është përjashtuar nga procesi, çka ka qenë edhe shkaku për anulimin e seancës së sotme e parashikuar në mesditë ku do të jepej masa e sigurisë për 30 persona të arrestuar.
Për pasojë ndaj gjyqtares Yrvete Shkreli do të bëhet kallëzim për shpërdorim detyre. Ajo akuzohet për nxjerrje të sekretit hetimor.
