Detaje të reja zbulohen nga operacioni i madh me dhjetëra të arrestuar nga Tirana në Jug të vendit, mes te cilëce është edhe botuesi Henri Çili.
Procedimi nga prokuroria ka nisur për falsifikim të kartëmonedhave nga seksioni i krimit ekonomik në Drejtorinë e Policisë Gjirokastër. Nga hetimet dhe përgjimet ka dalë dhe emri i Çilit.
Në funksion të këtij procedimi është kapur edhe një sasi lënde narkotike prej 60 kg kanabis para dy muajsh në Lezhë e nga ky operacion është arrestuar një efektiv policie.
Ndërkohë sot është arrestuar në Tepelenë edhe Ervin Çela, bashkëshorti i Matilda Çelës, kandidate për deputete e PS në zgjedhjet e 2017. Po kështu të arrestuar janë dhe shtetasit Neuland Miçi, Sidi Rama, Antonia Hasa, Armando Hajdinaj.
Të gjashtë këtyre personave u kanë dalë shenjat e gishtave në pakot e drogës së kapur në Lezhë. Ngjarjet janë të ndryshme dhe janë zbardhur gjatë të njëjtit hetim.
