Kur na ndajnë vetëm pak ditë nga 2 marsi, datë në të cilin presidenti Ilir Meta ka thirrur qytetarët që të marrin pjesë në një manifest kombëtar, kanë filluar edhe shigjetimet nga larg mes këtij të fundit dhe Edi Ramës.
Teksa ishte i pranishëm në aktivitetin ku po prezantohet projekti për rindërtimin e banesave të dëmtuara nga tërmeti, Rama nuk i kursehu ironitë, ndërsa theksoi se presidenti ka shtëpi, ndërsa ai ishte aty për ta që jetonin në çadra. Në këtë linjën ai theksoi se ishte luks i madh për të që të merrej me presidentin.
“Presidenti e ka shtëpinë. Më shumë se një shtëpi. Unë jam këtu për ata që jetojnë në çadra dhe presin që të futen ën shtëpinë e tyre. Për ata jam unë këtu, jo thjesht në këtë konference, por në të gjitha orët e ditës time me gjithë natën. Jua kam lënë juve çështjen e presidentit. Unë nuk merrem me Presidentin. Është shumë luks i madh për mua të merrem me Presidentin.”, tha Rama, ndërsa reagimi nga Lresidenti vjen nëpërmjet zëdhënësit të tij, Tedi Blushi.
"Lajmërojeni gruan e Bilalit se Presidenti ka vetëm një shtëpi: Shqipërinë. Sa shtëpi ka gruaja e Bilalit pyeteni vetë”, shkruan ai. ©Lapsi.al
