Zëdhënësi i Presidentit Ilir Meta, Tedi Blushi, i është përgjigjur ministres së Drejtësisë, Etilda Gjonaj, e cila tha sot, pas kallëzimit të kreut të shtetit në SPAK, se reagimi i saj do të jetë institucional, duke paralajmëruar se është e gatshme të përballet edhe publikisht me kreun e shtetit.
Me një shënim në Facebook, Blushi shkruan: “Edhe falsifikatore edhe krenare! Ti qofsh moj çupë!”
Presidenti Meta depozitoi sot personalisht në SPAK padinë ndaj ministres së Drejtësisë, ndërsa vetëm pak ditë më parë, përmes një konference për mediat, i kërkoi asaj të jepte dorëheqjen, me akuzën se ka falsifikuar protokollin e shtetit.
