Ndërkohë që Princi Harry dhe Meghan Markle ende janë duke u përpjekur që të gjejnë mënyrën e duhur për t’u larguar tërësisht nga jeta mbretërore apo për të gjetur se çfarë titujsh do të mbajnë në të ardhmen, duket se Mbretëreshës i është sosur durimi me ta dhe nuk do më që të flitet për “arratisjen” e tyre nga monarkia.
Sipas asaj që raportohet nga “Vanity Fair”, Mbretëresha është ende e mërzitur nga vendimi i çiftit. Megjithatë, sipas një burimi të afërt me familjen mbretërore, ajo nuk flet më për këtë çeshtje. Për Elizabeth, është diçka që dëmton monarkinë dhe në nivel personal është diçka që e trishton. Në këtë pikë, ajo nuk do të flasë apo të mendojë më për ta, thjesht do të që të vendosin çfarë do të bëjnë dhe të largohen.
Në fakt, edhe pse duket se ajo tani është duke i “përjashtuar” nga monarkia, Mbretëresha është vlerësuar për mënyrën si e ka përballuar gjithë situatën, sidomos për mos lejimin e përdorjes së titujve si “Dukët e Sussex”, në mënyrë që të mos përfitojnë nga familja mbretërore.
