Një makinë tip Fuoristradë që po transportonte refugjatë klandestinë nga Siria ka dalë nga rruga mbrëmjen e sotme në Gramsh duke rënë nga një lartësi rreth 100 metra, e për pasojë kanë humbur jetën dy persona me origjinë siriane.
Ndërkohë që 8 persona të tjerë kanë mbetur të plagosur mes tyre edhe shoferi i automjetit Mikel Gjeli, 28 vjeç nga Tirana. Ngjarja ka ndodhur rreth orës 22:00 në aksin Cërrik-Gramsh, në fshatin Cekrez.
Të plagosurit, nje shqiptar dhe shtatë sirianë, jemenas e irakianë u dërguan në spitalin e Traumës në Tiranë për një ndihmë më të specializuar mjekësore. Të plagosurit kanë pësuar fraktura dhe trauma të ndryshme por fatmirësisht ndodhen jashtë rrezikut për jetën.
Nuk dihen shkaqet e aksidentit, por grupi hetimor po punon për zbardhjen e këtij aksidenti që rezultoi tragjik për dy prej shtetasve sirianë.
[video width="480" height="848" mp4="https://cdnimpuls.com/lapsi.al/wp-content/uploads/2020/02/IMG_5706.mp4"][/video]
