Ka kaluar një vit që nga skandali i Jordyn Woods me ish-bashkëshortin e Khloe Kardashian, dhe që prej asaj kohe, shumë gjëra kanë ndryshuar për të!
Në shkurt të vitit 2019, u raportua se Woods, asokohe shoqja më e ngushtë e Kylie Jenner, ishte lidhur me Tristan Thompson, babai i fëmijës së Khloe Kardashian.
Skandali i tradhtisë prishi raportet mes Woods dhe familjes së famshme, duke i dhënë fund miqësisë së saj me Jenner, 22 vjeç.
Khloe Kardashian, 35 vjeç dhe Thompson, 28 vjeç, u ndanë njëherë e mirë pas tradhtisë, edhe pse thuhej se mes Woods dhe Thompson ishte shkëmbyer vetëm një puthje.
Saktësisht një vit më vonë, një mik i familjes së Woods thotë për “People” se modelja dhe aktorja 22-vjeçare, ka bërë të pamundurën për të ecur përpara.
Sipas burimit, Woods dhe Jenner nuk janë më në kontakt.
“Pozicioni i Jordyn tani është i tillë që ajo do t’i lejojë gjërat të jenë ashtu siç janë”, citon burimi. “Ajo ka thënë se e tha atë që duhej të thoshte”.
Woods është e përqendruar tashmë në karrierën e saj.
Thompson asnjëherë nuk ka folur publikisht për skandalin, por më 1 mars, Woods tregoi anën e saj të ngjarjes në një intervistë në emisionin e Jada Pinkett Smith, Red Table Talk.
Ajo pretendoi se Thompson e puthi atë në një festë pasdite në shtëpinë e tij më 17 shkurt pas një nate të gjatë duke pirë.
Jordyn mohoi me ngulm se kishte bërë seks me të!
