Pas sherrit mes Alketa Vejsiut dhe motrave Vjollca, njëra palë vendosi të thotë diçka. Dje, në puntatën e parë të sezonit të ri të “Në kurthin e Piter Pan,” Vejsiu solli në studio Julian Dedën, që momentalisht është aktor te “Klanifornia.” Pak minuta pas prezantimit, ai e uroi për sezonin e ri dhe Vejsiu iu përgjigj:
“Urime edhe ju për 'Klanifornian' që po shkon shumë fort. Të lutem bëji të fala Marina Vjollcës, i ka shtuar shumë sharm programit. Do ta ftoj Marinën do ta kemi këtu patjetër. I ka dhënë shumë bukuri programit.”
Marina Vjollca, konkurencë me Alketa Vejsiun në Klan
Alketa mund ta ftojë, por s’e dimë sa do të pranojë Marina. Në fillim të janarit, Revista Class, e cila është në zotërim të Vejsiut, ironizoi jetën që vajzat e showbizit shqiptar bëjnë në Dubai. “Motrat Vjollca na duken imazhi më i mirë i Dubait në këtë fillim viti,” shkruajti asokohe Class pasi krahasoi modelin elegant, perëndimor me modelin arab, me buzë të plota, bust zemërgjerë, vithe seksi, forma të theksuara që i mbajnë sheikët në pëllmbë të dorës.
Pas Xhemit, Alketa kapet me motrat Vjollca "Ju pëlqejnë sheikët"
Postimi nuk u prit aspak mirë nga Getoar Selimi, bashkëshorti i Marina Vjollcës i cili tentoi të kontaktojë disa herë me Alketën, por ajo s’iu përgjigj. Rrjedhimisht, teksti i lartpërmendur u ndryshua në thjesht, “Motrat Vjollca në Dubai.”/Anabel
