Modeli Alessio Alia ka dhënë lajmin e bukur se do të bëhet së shpejti baba për herë të tretë. Alessio prej vitesh jeton në Australi me bashkëshorten Katherine dhe dy fëmijët.
Në një intervistë për "Panorama plus", modeli dhe biznesmeni ka treguar për jetën e tij në Australi, projektet e reja dhe familjen.
Alessio zbuloi se fëmija i tretë do të vijë në jetë në muajin korrik.
"...Po pres fëmijën e tretë të lindë në korrik. Faleminderit Zotit të madh për këtë dhuratë! Për mua, familja është ajo që çdo herë mendoj kur rikthehem në shtëpi nga turet, e pres me padurim rikthimin pranë saj. Mezi pres të puth gjithë familjen time, ngaqë ka 33 vite që më mungon familja ime dhe tani e shoh sa paskam humbur pa atë dashuri, që s’paska gjë më të bukur se dashuria", u shpreh Alessio.
