Emisionet e sezonit të ri televiziv kanë nisur ose do të nisin shumë shpejt në ekranet më të rëndësishme në vend, çka do të thotë që formate të reja do të na prezantohen, disa do të vazhdojë rrugëtimin dhe ca të tjerë do të mbyllin ciklin.
“Late Night Show” i Kastro Zizos është një prej këtyre të fundit, pasi vetë moderatori ka deklaruar se emisioni nuk do të transmetohet më në Rtv Ora. Në një intervistë për “Treshat”, Kastro jo vetëm që njoftoi mbylljen e formatit në ekranin ku ishte pjesë prej dy sezonesh, por përfitoi nga rasti dhe të rrëfente për planet e së ardhmes:
“2020 më ka gjetur me më shumë mend në kokë. Mendoj se është kohë lëvizjesh, kohë shtegtimesh. Unë atij televizioni i kam dhënë shumë. Një falenderim i madh shkon për të gjithë bashkëpunëtorët dhe kolegët që kam punuar. Late Night Show nuk do të bëhet më në Rtv Ora.”
Megjithatë duket se Kastro nuk do t’i ndahet televizionit dhe ka në plan që së bashku me Late Night, të sjellë dhe dy formate të tjera, për realizimin e të cilave është në punë e sipër.
