Ilir Meta u takua sot me delegacionin e Komisionit të Venecias, i cili ndodhet në Tiranë pas debateve dhe konfliktit që u ndez midis Qeverisë dhe Presidencës për emërimet në Gjykatën Kushtetuese.
Presidenti Meta në fjalën e tij e ka konsideruar të mrekullueshme Kushtetutën e Shqipërisë, por ka vërejtur se herë pas here “i kemi çmontuar mekanizmat “check & balance” të saj.
“Bëmë një Kushtetutë të mrekullueshme me Komisionin e Venecias dhe që u votua referendum nga populli shqiptar në 1998. Por që atëherë, ne harruam çfarë ndodhi dhe herë pas here i kemi çmontuar mekanizmat “check & balance” të Kushtetutës sonë! - tha Meta.
"Komisioni i Venecias ka bërë më të mirën e tij, ashtu siç e bëri edhe për reformën që ne miratuam në Kushtetutë për drejtësinë, e cila u votua me 140 vota nga 140 deputetë siç nuk ka ndodhur ndonjëherë. Dhe unë isha Kryetar i parlamentit në atë kohë dhe jam krenar për atë arritje se pata mundësi për ta imponuar atë konsenseus vetëm duke përdorur rekomandimet e komisionit të Venecias”, theksoi Presidenti ndër të tjera.
