Chris Brown tashmë është i mbuluar me tatuazhe, por këngëtari i njohur vendosi dje të bëjë një tjetër. Dhe tatuazhi më i ri i vendosur kësaj here në fytyrën e tij, është e një atlete Air Jordan.
Artisti i tatuazheve me bazë në Kaliforni Joaquin Ganga Lopez, i cili është specializuar në realizëm, publikoi imazhe të tatuazhit që bëri për Brown, specifikisht një atlete Air Jordan 3. Tatuazhi është pozicionuar në faqe, pak poshtë veshit të tij të djathtë. Përveç rrjetit të tij në Instagram, Lopez postoi një imazh tjetër krahas Brown në Instagram Stories përpara takimit për tatuazhin e muzikantit.
