Policia e Shtetit thotë se ka sekuestruar 3 makina të blinduara në Lushnje, Durrës dhe Krujë. Makinat i përkasin 3 personave të dënuar më parë. Njëra prej automjeteve të blinduara i pqrket Saimir Taullaut në Lushnje.
Njoftimi i OFL:
Në vijim të Operacionit Forca e Ligjit, në zbatim të ligjit special për masat pasurore ndaj individëve të dënuar apo akuzuar për krim të organizuar, Drejtori i Përgjithshëm i Policisë së Shtetit, në bazë të nenit 19 të Aktit Normativ nr. 1, datë 31.01.2020, nxorri urdhrat e sekuestrimit në kushtet e emergjencës për disa automjete të blinduara, të cilat u sekuestruan gjatë operacionit.
Automjetet e sekuestruara janë në pronësi të shtetasve:
S. T., banues në Lushnjë, i dënuar për veprën penale “Prodhimi dhe shitja e narkotikëve”;
D. Gj., banues në Durrës, i dënuar në Itali për trafik të qenieve njerëzore;
D. B., banues në Krujë, i dënuar për veprën penale “Vjedhja me armë”;
Operacioni vijon dhe OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.
