Kevin Conway është ndarë nga jeta të mërkurën e 5 shkurtit si pasojë e një ataku në zemër. Ndarjen e tij nga jeta e ka konfirmuar ditën e sotme menaxheri i tij. Ai është shprehur se vdekja erdhi e papritur, pasi Kevin nuk vuante nga ndonjë sëmundje.
Conway ndërroi jetë në moshën 77-vjeçare dhe për publikun është bërë i njohur nëpërmjet disa roleve. Kulmi i karrierës së tij ka qenë në dramën “Oz”, në të cilën Kevin luante rolin e Seamus O’Reilly. Ai gjithashtu është i njohur për publikun edhe si aktori që bëri zërin e Mark Twain.
