Shumë shpejt, moderatorja Kiara Tito do të rikthehet në ekran me një emision të ri, shumë ndryshe nga çdo projekt i saji i mëparshëm.
Pas “Top Select” dhe emisionit të saj të fundit, “Dr. Plastic”, këtë herë moderatorja do të sjellë një format i cili ka lidhje tërësisht me modën.
Duke qenë se edhe Kiara është e apasionuar pas modës dhe trendeve të fundit, do ta gjejë veten më së miri në këtë emision të ri.
Ajo vetë tregoi pak ditë më parë në llogarinë e saj në Instagram të dhëna për emisionin e saj, ndërsa “Anabel.al” ka zbuluar më tepër detaje.
Projekti i ri i Kiarës do të transmetohet në “ABC News”, ndërsa moderatorja rrëfeu se bëhet fjalë për një format mode me panel jurie dhe vajza konkurrente.
Ndërkohë, ende nuk është bërë e ditur data e nisjes së emisionit të ri të Kiarës.
