Detar Hysi, avokati i Lulzim Berishës, tregon se klienti i tij ka bërë sot deklarimin e pasurisë pas formularit që i është dorëzuar në kuadër të operacionit Forca e Ligjit. Deklarata që Operacioni Forca e Ligjit i kërkoi klientit të tij, është depozituar në Drejtorinë e Policisë.
Operacioni Forca e Ligjit i dërgoi dje një formular për deklarimin e pasurisë Berishës brenda 48 orëve, ndërkohë që dorëzimi është bërë brenda 24 orëve.
Sipas deklaratës, me një vërtetim nga Agjencia Shtetërore e Kadastrës, figuron që Lulzim Berisha nuk ka asnjë pronë të regjistruar pranë kësaj zyre.
Në vijim të operacionit Forca e Ligjit, Policia e Shtetit informoi se në zbatim të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për deklarimin e burimeve të pasurisë, shtetasit Lulzim Berisha.
