Partia Socialiste ka përjashtuar edhe njëherë mundësinë për mbajtjen e zgjedhje të parakohshme. Taulant Balla tha se zgjedhjet e 30 qershorit kanë qenë kushtetuese, ndërsa shtoi se pret nga Presidenti që të dekretojë datën e zgjedhjeve për Bashkinë Durrës, Shkodër dhe Vorë që aktualisht janë pa kryetar bashkie. Deklaratën Balla e bëri pas një takimi që pati me një përfaqësi të KiE.
"30 qershori për Këshillin e Evropës është një datë kushtetuese, organet e dala prej tyre janë ligjore dhe vijnë punën e tyre për një mandat 4 vjeçar. Shqetësimi ynë ka qenë që qytetarëve të Shkodrës, Durrësit dhe Vorës tu japim mundësinë që përmes votës të zgjedhin një kryetar legjitim. Në Shkodër kryetarja është përtej mandatit 4-vjeçar. Zgjedhjet në Shqipëri janë në qershor 2021. Zgjedhjet vendore në qershor të vitit 2023. Nuk kemi diskutuar me këtë çështje", tha Balla.
Balla gjithashtu foli edhe autonominë e pushtetit vendor duke thënë se janë transferuar më shumë shërbimi nga pushteti qendror tek ai vendor.
