Edi Rama ka bërë një zgjedhje: ai preferon më mirë të ngjajë qesharak, se sa të lërë imazhin e njeriut të kriminalizuar. Pikërisht këtë taktikë po reket të përdorë edhe tani, ndërsa ka vendosur të na mbushë mendjen, se më në fund, e ka ndarë trurin për të luftuar me të keqen. Dhe për këtë ai ka treguar barcaletën më të pa përtypshme të mundshme. Sipas saj, me krimin janë të lidhur ata që po ngrejnë dshime dhe pikpyetje për paketën antikushtetuese të KÇK, ndërsa ia vetë që i ndershmi që po përpiqet ta aplikojë atë.
Pra ai është i pastri dhe opozita e mediiat janë mëkatarët.
"Jo vetëm PD po edhe plot të ashtuquajtur analistë e komentatorë po i kundërvihen antiKÇK-së, në një përçartje kolektive brenda kutisë së televizorit! Sepse për ta krimi është ushqimi i politikës e audiencave së tyre kundër qeverisë dhe mes krimit e qeverisë ata zgjedhin krimin".
Pra mesazhi atij që i doli edhe ministri i brendshëm i lidhur me trafikantët, atij që i dogji një duzinë me deputetë ligji i dekiminalizimit, ai që edhe kur organizoi zgjedhje vetëm me partinë e vet, i mbushi bashkitë me burgaxhinj, pra atij i interesoka beteja me të keqen, ndërsa gazetarët dhe opozitarët qenkan në krahun tjetër të barrikadës.
Natyrisht, sado delirant dhe peng i realitetit që imagjinon vetë të jetë Edi Rama, ai e di se këtë broçkull nuk e beson njeri. Prandaj ai nuk i nxjer nga goja këto palaçollëqe për të aene kredibël. Ai e bën thjeshtë që njerzit të gajasen, që turma që përtyp hudhra dhe i shtyn me pak raki, të gajaset në mejhanet e provincës duke mërmëritur: "shihe se ç'qerata që është edhe këtë e shpiku, edhe këtë aua ngopi atyre".
Pra shkut në këtë rast Edi Rama nuk ka zgjedhur të sillet si kryeministër, por si personazh i filmit të Ermalit, që më preferon ta shohin pa brekë, sesa ashtu sikurse është realisht.
Këtë strategji ka zgjedhur edhe kur vendi ish mbushur me kanabis dhe ai fliste për kaçatorë që spërkasnin mushkonjat, këtë bëri edhe gjatë protestave të studentëve kur filloi të luante kllounin dhe të publikonte pamje tullac dhe gjysëm cullak, këtë po bën edhe tani duke luftuar krimin si të qe personazh i "I love Tropoja".
Por fatkeqësisht, ashtu si çdo politikan që ka ciklin e tij, si çdo kriminel që ndjek kurbën e tij deri sa ta vrasin ata që ka luftuar edhe do humorist mbërrin në pikën kur nuk bën më për të qeshur.
Duhet pranuar se Edi Rama nuk ka aftësi të pakta aktoriale dhe kjo gjë e ka ndihmuar ta zgjasë ciklin politik. Por me sa duket atij edhe si humorist po i vjen fundi. Prova për këtë është se kur thotë se ka vendosur të luftojë krimin, nuk e merr më askush seriozisht, por edhe kur reket ta bëjë bërcaletë, duke akuzuar analistët se po e pengojnë, tashmë nuk qesh askush.
©Lapsi.al
