Ai njihet si një ndër grupet më të njohura shqiptare në vitet 2000, edhe pse ka kohë që nuk ngjiten në skenën shqiptare.
Por arseja për këtë nuk lidhet me mungesën e projekteve të grupit Aurora.
Të pranishëm sot në emisionin #gjesi në T7 djemtë thanë se, ka qenë vendim i tyre i marrë në vitin 2016 që deri në vitin 2020 nuk do të sjellin asnjë këngë të re.
“Ka qenë vendim që e kemi marrë dhe ne gjithmonë u kemi qëndruar mbrapa vendimeve tona. E kam këtu në telefon, mundesh me pa edhe ti” thotë Nazi.
Sipas tyre, e vetmja përpjekje për të prezantuar një prej këngëve të tyre, ka qenë festivali i RTSH-së, fituesi i të cilit e përfaqëson Shqipërinë në festivalin evropian të këngës Eurosong.
Nazi u shpreh se, edhe pse kishin aplikuar 3 vjet radhazi, pjesëmarrja e tyre ishte refuzuar nga drejtuesit e festivalit.
“Është hera e tretë që konkurrojmë në këtë festival, jo që ne mendojmë që është i mirë, po sepse kemi dëshirë ta prezantojmë Shqipërinë në Eurosong. Ju garantoj që kënga jonë është shumë më e mirë se të gjitha këngët që e kanë përfaqësuar Shqipërinë deri tash, përfshirë edhe këtë të fundit”, u shpreh ai duke iu referuar këngës së Arilena Arës.
