Kim dhe Kanye West kanë hapur dyert e shtëpisë së tyre në Californi për revistën “Architectural Digest”.
Kim ka postuar disa pamje të ambienteve të brendshme në Instagram, duke shkaktuar zhurmë të madhe online për shkak të mobiljeve të pakta, mirëpo e tërë shtëpia nuk ishte parë asnjëherë me kaq detaje siç shfaqet në video.
Ishte Kim ajo që duhej të pyeste Kanye në lidhje me arredimin e shtëpisë- pyetje që zbuluan se rindërtimi i vilës i ka marrë më shumë se 1 vit kohë. Shtëpia duket bosh në pamje të parë mirëpo është e arreduar mbi ndjenjën e një energjie pozitive, pastërtie dhe shumë minimaliste- kështu u shpreh Kanye. Nëse jeni kuriozë, Kim ka zbuluar në intervistat e mëparshme se dhomat e fëmijëve janë të arreduara siç ata duan, me ngjyra nga më të ndryshmet.
