Pasi takoi kryetarin e PE-së David Sassoli dhe më pas zhvilloi takim me delegacionin e Kongresit të Autoriteteve Lokale në Komisionin Euuropian, Lulzim Basha priti ambasadoren e SHBA-ve në Tiranë, Yuri Kim.
Diplomatja është pritur në hyrje të selisë nga vet Basha, ndërsa ky është takimi i parë prezantues mes tyre. Raportohet se biseda e dy zytarëve është përqendruar tek aktualiteti politik.
Pas takimit Basha u shfaq optimist dhe tha se të gjitha takimet e sotme po bëhen për t’i dhënë shqiptarëve një rrugë shprese dhe zhvillimi. Ai paralajmëroi se dita nuk ka mbaruar dhe se do të ketë plot zhvillime dhe lajme duke mos bërë të qartë se çfarë do të bëhet konkretisht.
"Ju siguroj që dita e sotme është e zhvillimit politik dhe çfarë ajo do të vijë do jetë plot me lajme dhe zhvillime. Çdo gjë që po bëhet është t’i jepet shqiptarëve një rrugë shprese dhe zhvillimi.
Të gjitha takimet që bëhet sot po bëhen për të mirën e shqiptarëve dhe do vijoj t’ju informoj më vonë.” - u shpreh Basha.
