Në fillim të javës qarkulloi në portale lajmi që fillimisht u shpërnda nga “Syri.net” se Top Channel ka hapur nje gjyq ndaj aktores Delinda Disha pasi kjo e fundit ka shkelur kontratën 2-vjeçare me “Portokalli”-në duke u shfaqur tashmë në “Klanifornia”.
Pak përpara transmetimit të sezonit të ri të “Klanifornia”, Delinda ka postuar një foto dhe një video ku lajmëron ndjekësit e saj se këtë puntatë do të sjellë një numër të ri humori me titullin “Dua të të bëj gropën”. Nisur nga titulli, dukshëm bëhet fjalë për një imitim të “Dua të të bëj të lumtur” nga Arbana Osmani që është edhe emisioni rival në ekranin e Top Channel duke u shfaqur në të njëjtën fashë orari me “Klanifornia”.
