Ditën e djeshme në “Shqipëria LIVE” në Top Channel u zhvillua një debat i fortë lidhur me kinemanë komerciale që po zhvillohet së fundmi në Shqipëri. Krahas Alfred Trebickës, në studio ishte i ftuar dhe Rezart Veleshnja.
Ky i fundit ka deklaruar në një moment se nëse Drilon Hoxha do të bëhej pjesë e diskutimit, Rezarti do ta braktiste bisedën. Kaq ka mjaftuar që fansat të kujtonin se mes Veleshnjas dhe Hoxhës në fakt, ka patur dikur një bashkëpunim. Arsyeja e reagimit të Rezartit? Duket se përgjigjen e ka dhënë Driloni, duke publikuar një video. Për prodhimin “Dashuria s’mjafton”, projekt në të cilin pjesëmarrës ka qenë dhe Veleshnja, pikërisht ky i fundit ka munguar si imazh në posterin e filmit. Lidhur me këtë çështje, në kohën kur filmi ishte në reklamim e sipër, Rezarti i ka dërguar Drilonit një video, ku i kërkon llogari për përjashtimin e tij nga posteri. Sipas Hoxhës, i cili e ka postuar videon si kundërpërgjigje, ka qenë kjo arsyeja e reagimit të Veleshnjës dje në “Shqipëria LIVE”.
