Policia vijon aksion për kapjen e urdhëruesve të rrëmbimit të Jak Prenga. Aksioni është shtrirë në Shkodër, që në orët e para të mëngjesit.
Në këtë operacion për kapjen e shtetasve M.B., G.D., dhe K.G., marrin pjesë dhe forcat RENEA.
Ndërkohë, në kërkim është shpallur edhe shtetasi me iniciale D.R. nga Vlora. Kujtojmë se deri më tani Jakë arrestuar 5 persona në lidhje me rrëmbimin dhe vrasjen e 49-vjeçarit, i cili u mor peng në 17 Jakar të këtij viti në Kamëz. Bezat tha se ka dyshime të forta që trupi i pajetë i 49-vjeçarit mund të jetë groposur në territorin e Shijakut, ndërkohë që deri më tani nuk ka asnjë gjurmë të tij.
PENGMARRJA
Nga hetimet e deritanishme, dyshohet se pengmarrja e Jak Prengës është urdhëruar nga një grup i strukturuar kriminal, me bazë në Angli, dhe i përbërë kryesisht nga shqiptarë. Burime zyrtare pranë Policisë së Shtetit konfirmojnë faktin se vëllai i Jak Prengës, që jeton në Angli, është kontaktuar nga një grup i fuqishëm që me kamionin e tij të nxjerrë nga Mbretëria e Bashkuar mbi 300 kg kokainë, që mbërrinte nga Amerika Latine.
Nga përgjimet rezulton se ai e ka marrë lëndën narkotike, por nuk e ka dorëzuar në destinacion. Për këtë, mendohet se grupi kriminal ka urdhëruar marrjen peng të vëllait të tij, Jak Prenga, i cili për shkak të torturave të shumta, ka gjetur vdekjen. Nga hetimet rezulton se katër personat e arrestuar Jakë thjesht ekzekutorët, që kanë dhunuar e zhdukur trupin e Jak Prengës, por urdhri ka ardhur nga një grup i strukturuar me bazë në Angli.
