Personi qe shihni në foto është Jak Prenga, personi qe humbi jetën pasi u mor peng dhe u rrah barbarisht më 17 janar në Kamëz.
Ka dyshime të forta që trupi i pajetë i Prengës të jetë groposur në territorin e Shijakut.
Deri tani mësohet se marrja peng e Jak Prengës është urdhëruar nga një grup i strukturuar kriminal, me bazë në Angli, dhe i përbërë kryesisht nga shqiptarë.
Burime zyrtare pranë Policisë së Shtetit konfirmojnë faktin se vëllai i Jak Prengës, që jeton në Angli, është kontaktuar nga një grup i fuqishëm që me kamionin e tij të nxjerrë nga Mbretëria e Bashkuar mbi 300 kg kokainë, që mbërrinte nga Amerika Latine.
Nga përgjimet rezulton se ai e ka marrë lëndën narkotike, por nuk e ka dorëzuar në destinacion. Për këtë, mendohet se grupi kriminal ka urdhëruar marrjen peng të vëllait të tij, Jak Prenga, i cili për shkak të torturave të shumta, ka gjetur vdekjen.
Lexo më tej:
Vdes Jak Prenga që u mor peng në Kamëz, policia zbardh të gjitha lëvizjet e autorëve
Nga hetimet rezulton se katër personat e arrestuar sot janë thjesht ekzekutorët, që kanë dhunuar e zhdukur trupin e Jak Prengës, por urdhri ka ardhur nga një grup i strukturuar me bazë në Angli.
