Kryeministri Edi Rama dhe kreu i PD, Lulzim Basha kanë reaguar për vdekjen tragjike të legjendës së basketbollit Kobe Bryant.
Basha shprehet se kjo ngjarje është një lajm tragjik për sportdashësit dhe për ata që për vite të tëra janë mbërthyer para ekranit për të parë Bryant.
Basha shprehet se të gjithë janë të tronditur për vdekjen e tij të dhimbshme dhe të vajzës së tij 13- vjeçare Gianna.
Rama ka postuar një foto të Bryant shoqëruar me një thënie të tij.
Kobe Bryant dhe vajza e tij 13-vjeçare humbën jetën pas rrëzimit të një helikopteri me të cilin po udhëtonin në Kaliforni mëngjesin e së dielës.
41-vjeçari ish-lojtar Los Angeles Lakers po udhëtonte bashkë me 4 persona të tjerë me një helikopter privat. Asnjë nuk ka mbijetuar. Shkaqet e rrëzimit të helikopterit janë të paqarta. Dëshmitarët thanë se dëgjuan një zhurmë në ajër përpara rrëzimit të helikopterit. ©LAPSI.al
