Kryebashkiaku i Bulqizës, Lefter Alla ka mbërritur në ambientet e Prokurorisë së Posaçme për të dëshmuar rreth videos së publikuar në media, ku pretendohet se ai është duke konsumuar kokainë në një ambient publik.
Alla shoqërohet nga avokati i tij mbrojtës, Petrit Ismaili.
Kujtojmë se Alla e ka konsideruar videon e publikuar nga gazetari Artan Hoxha si montazh, dhe ka paralajmëruar se do të padisë ish-deputetin demokrat Ervin Salianji.
Po ditën e sotme, në SPAK ka dëshmuar edhe gazetari investigativ Artan Hoxha, i cili tha se publikoi videon në media pasi kreu verifikimet e duhura, dhe me bindjen e plotë se personi që duket teksa konsumon një lëndë të dyshuar si kokainë nga një pjatë në lokal është Lefter Alla, kryebashkiaku socialist i Bulqizës.
I mbetet prokurorisë tashmë të verifikojë jo vetëm autencitetin e videos, por edhe faktin se lënda në fjalë është kokainë.
