Ilir Meta e ka përshktuar 21 janarin si një ngjarje për të cilën duhet fajesuar opozita që organizoi demostrata të dhunshme. Gjatë një interviste për ABC NEVS ai tha: "Sa i takon 21 janarit tjetër, sigurisht që nuk kemi asnjë arsye për t’u krenuar. Është një ngjarje që na kujton se sa tragjike është kur opozita përdor dhunën për të arritur objektiva politike të pandershme. Dhe se sa e rëndë është kur instrumentalizohen qytetarët për qëllime të tilla, sidomos kur nxiten në rrugën e dhunës. Kjo ngjarje na kujton se duhet të heqim dorë një herë e përgjithmonë nga dhuna si një mjet i arritjes së qëllimeve politike" ka përfunduar kreu i shtetit duke mos gjetur asnjë fjalë kritike për pushtetin që vrau 4 protestues por vetëm për ish opozitën socialiste që i çoi protestuesit para kryeministrisë.
Ndonëse ky është një koncept i papranueshëm, këtu presidenti ka rënë në kurthin e një gjykimi me dy standarte. Pasi nuk mund të fajësosh vetëm opozitën në 21 janar për përdorimin e dhunës, ndërkohë kur për protestat me molotov të PD- LSI në pranverën e shkuar e ke vënë theksin tek veprimet shproporcionale të policisë (që nuk vrau, por përdori gaz lotsjellës) kundër demostruesve. Në këtë rast kreu i shtetit përdori standarte dyfishe në gjykim që nuk i bëjnë nder rolit të tij "mbi palët".
©Lapsi.al
