Pas akuzave të sotme Kryetari i Bashkisë së Matit Agron Malaj, i cili në 21 janar ka qenë në krye të detyrës si gardist që mbronte kryeministrinë ka bërë një reagim ku pretendon se ai nuk ka zbatuar urdhrin për të qëlluar. "Prej 9 vitesh tashmë emri im është lidhur me atë ngjarje tragjike. Emri i një njeriu, i një ish gardisti në krye të detyrës, që refuzoi të zbatojë urdhrin për të hapur zjarr mbi protestuesit e pafajshëm, është lidhur në mënyrën më perverse me vrasjen e Ziverit, Aleksit, Faikut dhe Hekuranit, jo nga familjet, jo nga organet e ligjit, por pikërisht nga ata që dhanë urdhër për të qëlluar e më pas shkelën çdo ligj e çdo normë, për të mos lejuar zbardhjen e të vërtetës. Unë sot, vijoj punën time me kokën lart. Me ndërgjegjen e pastër. Mbi mua nuk rëndon asnjë akuzë" thotë ai (poshte postimi i plote).
Komenti/ Një mënyrë pa hipokrizi për të përkujtuar 21 janrin
Mirëpo gazeta e majtë Dita që nuk mund të quhet as në shërbim të Saliut as të Lulit, ka publikuar këtë të martë faksimilet e pagave shpërblim që mori në 2011 ish gardisti sot kryetar bashkie.
Faksimilja/ Kryebashkiaku i Rilindjes që u shpërblye me para për vrasjet e 21 janarit
Pra Agron Malaj mori fiks katër rroga shpërblim, po aq sa Ndrea Prendi dhe Agim Llupo që u vërtetua se qëlluan drejt e mbi protestuesit. Pas publikimit të këtyre dokumentave, ne ose duhet të besojmë se kryebashkiaku rilindas është duke na gënjyer vençe, ose tjetrën se regjimi i Berishës ishte aq ëngjëllor sa edhe kur nuk zbatoje urdhrin, nuk të ndëshkonte por të shpërblente. Vetëm një rilindas si Agron Malaj mund të ndihet i qetë se ka marë shpërrbim pas vrasjes së katër vetëve gjaku i të cilëve solli socialistët dhe atë vetë në pushtet.
©Lapsi.al
