Sardian Sulejmani, anëtari i Bandës së Durrësit ka lënë ditën e sotme qelinë e burgut.
Mësohet se Sulejmani, ishte dënuar me 25 vite burg, pas një vendimi të marrë nga Gjykata e Lartë, në vitin 2014.
Ai akuzohet për tentativë vrasjeje me paramendim ndaj Lulzim Berishës. Mësohet se Sulejmani ka dalë nga burgu 3 muaj më parë, pasi gjyqtari i Fierit Piro Sota ka pranuar lirinë me kusht.
Atij i kishin mbetur edhe 4 vite, 10 muaj e 17 ditë burgim, ndërsa ka shlyer 13 vite, e 8 muaj e 19 ditë burgim.
Gjykata e Fierit i kishte vënë kusht Sulejmanit, që gjatë kësaj kohe të mos shoqërohet me persona të dënuar më parë.
Sipas gjyqtarit Sota, i dënuari kishte marrë akt mirësjellje nga Njësia Administrative nr.2 Bashkia Fier. Ndërkohë Prokuroria e Fierit ka apeluar këtë vendim.
