Ditën e sotme, nga prezenca e akullit në rrugë, në spitalin e Korçës janë paraqitur 20 raste me fraktura të ndryshme.
Burime nga spitali bëjnë të ditur se nga keto raste dy prej personave kanë marrë dëmtime në gjymtyrë si dhe thyerje janë nisur për mjekim më të specializuar në Tiranë.
Personat e tjerë qe janë paraqitur në spitalin e Korçës kanë marrë mjekimin e nevojshëm dhe janë larguar drejt banesave të tyre ndërsa një prej pacientëve ende vijon të marrë shërbim mjekësor në spital.
Sipas mjekëve kjo ka ndodhur nga pakujdesia pasi trotuaret me cipa akulli në ngjyrë të erret duken si te parrezikshme.
Prej dy ditësh juglindja është pushtuar nga mjegulla e cila ka krijuar vështirësi në qarkullimin e mjeteve. Mjegulla dhe akulli prezent gjatë këtyre dy ditëve, ka sjellë pasoja në njerëz ashtu siç jane rastet e lartpërmendura por edhe aksidente të lehta gjatë ditës së sotme vetëm me dëme materiale si pasojë e akullit.
