Andi Bushati: Të godasësh me molotov për t’u kthyer aty ku ishe
Basha është përpjekur të argumentojë se ajo që ndodhi me krijimin e këshillit politik është një sukses i opozitës që i bindi edhe ndërkombëtarët se dialogu duhet të zhvillohet jashtë kuvendit të krimit, dhe të miratohet pa i lëvizur asnjë presje prej tij. Por krahas kësaj fitoreje basha është paraqitur edhe si garant i rrugës radikale që ka udhëhequr këto 12 muaj. AI ka pohuar me forcë se largimi i Edi ramës sa më shpejt të jetë e mundur mbetet qëllimi kryesor, se i përmbahet platformës së partive opozitare të prillit të kaluar për një qeveri tranzitore para zgjedhjeve, se nuk do të ketë asnjë amnisti për vjedhësit e votës, si Dako, Gjiknuri, Lala, Avdylajt, etj.Basha i prerë: S’ka amnisti për Dakon, Gjiknurin, Ymer Lalën dhe Avdylajt
Madje edhe urgjencën për të miratuar brenda 15 marsit ndryshimet e reformës zgjedhore, Basha i përligji me dëshirën për të krijuar sa më parë mbajtje e zgjedhjeve të përgjithshme dhe atyre lokale sa më parë që të jetë e mundur. Ai ka bërë një prapaktheu verbal edhe ndaj grupeve të shoqërisë civile, që nuk janë me PD por kërkojnë ndryshimin e sistemit. Ndryshe nga qëndrimet refraktare që mbajti ditët e fundit ndaj mundësisë të zgjedhjeve me lista të hapura, ai tha se PD do të bëjë të mundur që në këshillin politik të diskutohet të gjitha nismat dhe propozimet. Këto përbetime, se me uljen në tryezën e reformës zgjedhore PD nuk ka tradhëtuar asnjë nga qëndrimet e saj të deritanishme, erdhën pas reagimeve të forta ditën e djeshme. Pasi panë Bylykbashin dhe Vasilin përkrah Gjiknurit dhe Rudian Hajdarit, të gjithë ata që kreu actual nxori jashtë partied y vite më parë u riaktivizuan publikisht, në rrjetet sociale u shtuan dyshimet për ndryshim kursi, kurse në një testim të zhvilluar nga emisioni “Opinion” për këtë temë, rreth 70% e të pyeturve ishin të pakënaqur me një marëveshjeje të mundshme. ©Lapsi.al
