Joaquin Phoenix, ylli i filmit "Joker" gjatë intervistës së fundit për "60 Minutes" është ndalur gjatë tek vdekja e vëllait të tij, një tjetër yll filmash, River Phoenix.
River, u nda tragjikisht nga jeta në moshën 23-vjeçare duke lënë një ndikim të thellë në jetën e Joaquin-it dhe familjes së tij.
Përsa i përket nënës së tyre, aktori tha se ka momente që e kap dhimbja e hidhërimi, pasi akoma nuk e pranon humbjen e të birit. "Ndjenja e hidhërimit mund të vijë nga hiçi. Mund të jem duke i dhënë makinës dhe krejt papritur, e ndjej. S'mund të bëj gjë tjetër veçse ta mirëpres."