Sot pritet të nisë në gjykatën e Tiranës seanca në ngarkim të Lulzim Bashës, i marrë i pandehur për falsifikimin e formularëve për lobimin 675.000 dollarë në SHBA.
Shefi i opozitës është dërguar zyrtarisht i pandehur në gjykatë për akuzën e falsifikimit të formularëve, lidhur me kontratat e lobimit në Shtetet e Bashkuara të Amerikës në shumën e 675 mijë dollarë.
Në të njëjtën dosje e për të njëjtën akuzë janë marrë të pandehur edhe ish-Sekretari i Përgjithshëm i Partisë Demokratike, Arben Ristani, dhe shefi i financës së këtij subjekti politik, Ilir Dervishi. Prokuroria vendosi të pushojë akuzën e pastrimit të parave me lobim, që ngriti muaj më herët ndaj shefit të opozitës dhe dy zyrtarëve të tjerë të djathtë.
Lidhur me këtë cështje kreu i grupit parlamentar të PS, Taulant Balla u shpreh në një prononcim për mediat se nëse dosja ka elementë që i parashikon ligji atëhere t’i kalohet SPAK-ut. Taulant Balla ka kërkuar që Gjykata duhet të kthejë për hetim të plotë rastin e lobimit të PD.
