Gjatë seancës me dyer të mbyllura për ish-kryebashkiakun e Vorës, Agim Kajmaku, prokuroria deklaroi se nuk ka ndryshuar asgjë në lidhje me Agim Kajmakun përsa i përket masës së sigurisë.
Gjykata më parë ka vendosur masën e sigurisë ‘arrest me burg’. Kajmaku mbetet në kërkim.
Ndërsa sot avokatët e Kajmakut kërkuan ndryshim të masës, nga "arrest me burg" në një masë më të butë.
Biznesmeni i luleve, u emërua nga Rama si kryebashkiak në votimet monopartiake të 30 qershorit, por më pas rezultoi të ishte i dënuar në Greqi.
Pikërisht pas denoncimit nga ana e PD-së, nisën hetimet që çuan edhe në shkarkimin e tij dhe më pas shpalljen në kërkim të Agim Kajmakut.
