Shkon në tre numri i të ndaluarve në kuadër të operacionit policor të koduar "Start 2020", të zhvilluar një ditë më parë nga policia e Korçës.
Në pranga ka rënë shtetasi K. A., 24 vjeç, banues në Korçë.
I riu ishte shpallur në kërkim për veprat penale "Kanosja, kryer në bashkëpunim" dhe "Mbajtja pa leje dhe prodhimi i armëve dhe i municionit".
Një ditë më parë policia ndaloi dy persona dhe procedoi penalisht dy të tjerë.
Sipas policisë personat janë të dyshuar si autorë të disa ngjarjeve të ndodhura në qytetin e Korçës, si tentativë vrasje, kanosje, vjedhje.
