Një zjarr i madh ka rënë gjatë natës në spitalin rajonal të Durrësit, duke shkaktuar panik tek pacientët dhe rrëzik për jetën e tyre. Nga të dhënat e para dyshohet se shkak i zjarrit të jetë bërë një masë në kabinën elektrike prej ngarkesës në rrjet nga ngrohëset.
Zjarri ka rënë fillimisht në katin e parë, te reparti i neurologjisë, dhe më pas është përhapur edhe në katin e dytë, të tretë dhe të katërt për shkak të strukturës me një kolonë të spitalit.
Në evakuimin e pacientëve kanë ndihmuar edhe efektivë të ruajtjes së rendit publik.
Rreth 100 pacientë janë evakuuar për shkak të flakëve, ndërsa gjysma e Spitalit të Durrësit ka mbetur pa energji elektrike. Pas më shumë se 3 orë ndërhyrje nga forcat e Zjarrfikëses së qytetetit, Portit dhe efektivëve blu është bërë i mundur lokalizimi dhe fikja e zjarrit, fatmirësisht pa viktima në njerëz.
5 pacientë janë dërguar në Tiranë, pasi nuk ka pasur oksigjen.
