Rikthimi i “SHBLSH” në ekran erdhi si surprizë për publikun kryesisht prej hatërmbetjes mes Jul Dedës dhe Gent Zenelaj. I ftuar në “Rreze Dielli”, Juli ka treguar se rikthimi mes treshes kishte ardhur në mënyrë krejt natyrale, sikur të mos kishte ndodhur asgjë.
“Kur pimë kafen e parë, kuptuam që nuk kishte asgjë për t’u sqaruar, as nuk kemi pse merremi. Boll është një kohë e humbur këto vite që nuk kemi patur bashkëpunim dhe nuk ia vlen të humbim më asnjë minutë nga sot e mbrapa”, është shprehur Deda lidhur me raportin e tij me Gentin, duke shtuar se grupi i djemve, sëbashku me Ermal Mamaqin janë një treshe organike dhe jo e stisur.
“SHBLSH” u rikthyen në ekran natën e ndërrimit të viteve në “Klanifornia”, por a ishte kjo hera e parë dhe e fundit pas kaq shumë vitesh që djemtë shfaqeshin bashkë? Juli theksoi se duke respektuar dëshirën e publikut, ai, Genti dhe Ermali do të performonin sërish si grup. “Mund të jetë Klanifornia, një projekt jashtë, një film. Kam patur disa bisedime për të nisur një
