I ashper ka qene udhëheqësi Suprem i Iranit Ayatollah Ali Khamenei, teksa ka reaguar pas sulmeve me raketa balistike ndaj dy bazave ajrore amerikane në Irak.
Pak pas sulmeve, ai ka thene se kjo ishte nje pergjigje ndaj sulmit të SHBA-së dhe vrasjes se gjeneralit më të lartë iranian Qasem Soleimani.
“I dhamë një shuplakë në fytyrë. Kur bëhet fjalë për konfrontim, veprimet ushtarake të këtij lloji nuk janë të mjaftueshme. E rëndësishme është që prezenca e korruptuar e Shteteve të Bashkuara duhet të marrë fund”, deklaroi prere ai.
Komentet u bene në një fjalim përpara mbeshtetesve, ku u dëgjuan edhe thirrjet “vdekje Amerikës”, teksa shume prej te pranishmeve shperthyen ne lot.
Nga sulmi me raketa balistike të nisura nga Irani, u goditën dy baza ajrore amerikane në Irak. Televizioni iranian ka folur për 80 të vdekur dhe qindra të plagosur, por nuk ka ende nga ana e SHBA të dhëna zyrtare lidhur me pasojat e ketij sulmi.
