Irani ka vazhduar në rrugën e përshkallëzimit të konfliktit dhe i është kundërpërgjigjur SHBA-së për vrasjen e gjeneralit të forcave speciale, Kasem Soleimani, duke sulmuar me raketa balistike dy baza ushtarake amerikane në Irak.
Bazat në al-Asad dhe Erbil janë goditur mbrëmë në darkë nga plot 22 raketa.
Autoritetet amerikane kanë thënë se nuk kanë patur viktima nga sulmi pasi ushtarët janë udhëzuar të strehohen përpara sulmit.
Presidenti Trump gjithashtu shkroi në Twitterin e tij se nuk ka viktima. Ai shtoi se “SHBA ka ushtrinë më të fortë në botë”.
Edhe mediat perendimore e kanë konsideruar sulmin si të proporcionuar dhe më shumë si një manovër për të shpëtuar fytyrën
Por dhëheqësit iranianë pretendojnë për një numër të lartë viktimash. Ndoshta për efekte propagandistike përmes televizionit shtetëror u njoftua se nga sulmi humbën jetën 80 “terroristë amerikanë”, ndonëse në ekran nuk u paraqitën prova për këtë.
Duke këmbëngulur se se numri i viktimave në radhët e armikut ka shkuar në 80 liderët iranianë u zotuan këtë të Mërkurë se do t’i japin fund pranisë së SHBA në rajon, duke përshkruar sulmet raketore ndaj objektivave amerikane në Irak si “vetëmbrojtje”.
“Ne i goditëm ata (amerikanët) në fytyrë mbrëmë” me një sulm raketor “por veprimi ushtarak nuk është i mjaftueshëm,” tha udhëheqësi Suprem Ali Khamenei (foto poshte) në një fjalim para kombit. Ai foli disa orë pas sulmit në bazat ushtarake në Irak të përdorura nga forcat amerikane.
Ndërkohë Presidenti iranian Hassan Rouhani tha se ëashingtoni mund të ketë “prerë krahun” e Soleimanit, por ata do të presin “këmbën” e Amerikës si kundërpërgjigje. “Ne do të presim këmbët e Shteteve të Bashkuara. Nëse Shtetet e Bashkuara kanë “prerë krahun” tone, gjeneralin Qassem Soleimani, Irani do të përgjigjet duke prerë “këmbët” e tyre”- ka thënë ai.
Harta e dhjetë ditëve konflikt
1 Natën e 31 dhjetorit rrethimi i ambasadës së SHBA në Bagdat nga forca shite pro iraniane
2 Në 2 janar goditjen amerikane qe lane te vdekur gjeneralin iraninn K Soleimani
3 Goditja me rraketa e bazave amerikane nga iranianët në 8 janar
Legjenda/ 
Bazë amerikane
Gjermania, Danimarka, Norvegjia dhe Polonia thanë se asnjë nga trupat e tyre në Irak nuk u dëmtua. Britania, e cila gjithashtu ka personel në Irak, dënoi sulmin iranian dhe ka njoftuar se brenda 48 orëve do të marrë vendimin për të dërguar trupa në Irak.
Anije luftarake, helikopterë dhe disa qindra ushtarakë britanikë janë vënë në gatishmëri prej 48 orësh ose më pak për dislokim në ose afër Irakut, të gatshëm për t’iu përgjigjur nëse kriza e Iranit përshkallëzohet.
“Nëse vriten civilë britanikë apo edhe personeli ushtarak si rezultat i veprimeve iraniane ose terroriste, ne do të kundërpërgjigjemi. Përgjigja pa dyshim do të ishte proporcionale, “tha sekretari i mbrojtjes Ben Ëallace.
Linjat ajrore të mëdha ndërkombëtare kanë filluar devijimin e fluturimeve nga hapësira ajrore iraniane.
Në Shtetet e Bashkuara, Administrata Federale e Aviacionit lëshoi një njoftim që kufizonte avionët jo-ushtarakë amerikanë “nga operimi në hapësirën ajrore mbi Irakun, Iranin, dhe ujërat e Gjirit Persik dhe Gjirit të Omanit”.
