Tre muaj më parë, burime për “Iconstyle.al” treguan për një sherr midis tre vajzave të njohura të ekranit, Einxhel Shkira, Kejvina Kthella dhe Oriola Marashi.
Motivet e sherrit nuk u zbuluan, megjithatë çështja shkoi deri në polici dhe sërish nuk u mbyll me kaq.
Një deklaratë e Einxhel Shkirës në emisionin “Rudina” pak kohë më parë ku tregoi se është feministe dhe aspak xheloze, nuk u prit mirë nga Kejvina Kthella dhe Oriola Marashi.
Moderatorja tha për zënkën me dy vajzat se i ka falur ato dhe se nuk ka kompleksitet ndaj tyre, por Kejvina dhe Oriola jo vetëm që nuk e besuan por treguan dhe arsyet për këtë:
“U lodha me femrat që gjoja i bëjnë jehonë “fuqizimit të fermave” ndërkohë që sulmojnë femra të tjera. Je aq false për fuqizimin e femrave saqë është e shpifur ta shohësh. Ohh qepe!”, shprehej Oriola.
Dhe duket se ngacmimet vijojnë, pasi Einxhel i ka kujtuar Oriolës tërthorazi se fotot me bikini në dëborë, ajo i ka bërë shumë vite para Oriolës.
Dy ditë më parë, Oriola Marashi, postoi një foto në dëborë e hipur mbi një kalë duke çmendur fansat.
Einxhel publikoi sot një foto të sajën në dëborë në 2015-n, të cilën ia kishin dërguar fansat, si për të thënë se Oriola është shumë mbrapa.
Einxhel shprehet se në atë kohë kjo gjë dukej e gabuar por sot është kthyer në modë!
Ne s’po i shtojmë më shumë benzinë zjarrit, pasi me siguri ky reagim do të pasojë nga një tjetër nga Oriola!
