Michael Jackson është legjenda e muzikës pop për të cilën edhe është cilësuar ‘Mbret’. Por të shumta kanë qenë edhe akuzat ndaj tij për pedofili apo edhe abuzime seksuale.
Së fundmi dy burra, Wade Robson dhe James Safechuck, janë shfaqur në një dokumentar ku kanë treguar pretendimet e tyre se janë abuzuar seksualisht nga këngëtari Michael Jackson, dhe kanë fituar kështu edhe të drejtën për të ngritur padi kundër dy kompanive të tij, sipas një gjykate.
Wade Robson dhe James Safechuck pretendojnë se janë abuzuar seksualisht nga këngëtari në fund të viteve ’80 dhe në fillim të viteve ’90 ndërsa qëndronin në fermën e tij në Neverland por familja e këngëtarit i ka mohuar pretendimet.
