Miliarderja 22-vjeçare, Kylie Jenner, ka kaluar një natë fantastike në shoqërinë e alkoolit dhe miqve të saj.
Duket se ajo është dëfryer pamasë dhe këtë na e tregojnë më së miri postimet e saj në Instagram.
22-vjeçarja ka ndarë me ndjekësit dy foto ku shfaqet e veshur me një fustan gri me xixa që i tregon dekoltenë.
E pirë, Kylie ka pozuar në njërën prej fotove me duart mbi gjoksin e saj, ndërsa në përshkrimin e fotos tregon se alkooli i ka rënë në kokë.
“Kur tekila të bie në kokë”- shkruan ajo krahas fotos.
Mirëpo, Kylie duket se ka qenë aq e paqartë saqë publikoi edhe një foto të cilën e ka fshirë menjëherë më pas.
22-vjeçarja mori reagime të mëdha për një foto ku shfaqej me flokët gërsheta të mbledhur, stil i cili zakonisht përdoret nga gratë me ngjyrë.
Dy vëllezërit fotografë, Luca dhe Alessandro Morelli, të cilët gjithashtu e publikuan foton e Kylie-t, treguan se look-u ishte frymëzuar nga Gwen Stefani, e cila u shfaq me të njëjtën pamje në vitin 2000 në videoklipin e Moby- South Side.
Asokohe, Stefani pati gjithashtu kritika të mëdha nga publiku për look-un e saj.
