Ditën kur pritej të merrte mandatin për të formuar qeverinë e re të Kosovës, kryetari i Lëvizjes Vetëvendosje, Albin Kurti, njoftoi se nuk do të marrë pjesë në takimin e lajmëruar nga presidenti i vendit, Hashim Thaçi. Kreu i shtetit e ftoi Kurtin për ta mandatuar kryeministër të vendit, ashtu siç e përcakton kushtetuta, por zyra e shtypit e Vetëvendosjes tha se zoti Kurti e ka të pamundur të marrë pjesë në takim për shkak të agjendës se planifikuar më parë. Sipas tyre, ftesa e Thaçit ka mbërritur sot pas orës 11:00.
Zyra e shtypit e partisë që doli e parë në zgjedhjet e parakohshme të 6 tetorit, shtoi se zoti Kurti “do ta njoftojë së shpejti Presidentin për ditët e orët e mundshme të takimit.”
Ftesa e presidentit Thaçi për të manduatuar Kurtin erdhi një ditë pasi betimit të deputetëve. Analistët besojnë se të dy palët janë ende nuk negociuar për ndarjen e posteve të qeverisë, ndaj dhe takimi me presidentin Thaçi do të zhvillohet pasi negociatat të përfundojnë.
Pas seancës së parë të kuvendit, zoti Kurti u shpreh besimplotë se të dy palët do t’i kalojnë pengesat dhe do ta formojnë qeverinë e re.
Deri tani bisedimet kanë dështuar pasi Lidhja Demokratike e Kosovës këmbëngul për marrjen e postit të presidentit, përveç gjysmës së qeverisë.
