Kryetari i PD, Lulzim Basha mblodhi Kolegjin e kryetarëve për diskutimin e situatës post tërmetit dhe kriza politike.
Gjatë mbledhjes Basha tha se duhet të jenë çdo ditë afër qytetarëve dhe se në vendet e prekura nga tërmeti të ngrihen grupe pune që të identifikojnë çdo familje të prekur.
“Të identifikohen ato familje që nuk u është ofruar asnjë ndihmë e gjenden pa strehë në prag të dimrit. Rast pas rasti PD duhet të bëhet zëri i tyre që të dëgjohen dhe t’u vihet në ndihmë. Është kriminale që banorët pas një muaji nga tërmeti nuk kanë marë asnjë ndihmë", tha Basha.
Kreu i opozites gjithshtu foli për reformën zgjedhore dhe zgjedhjet e parakohshme. Ai tha se e vetmja mënyrë për të nxjerrë vendin nga kriza janë zgjedhjet.
"Grupet e ekspertëve janë në fund të hartimit të projekt ligjeve për ndryshimet e reformës zgjedhore. Zgjedhjet janë e vetmja mënyrë për t’a nxjerrë vendin nga kriza dhe kusht për avancimin e projektit evropian", tha kreu i PD-se.
Ndërsa shtoi se PD është kthyer në shpresë për çdo qytetar pavarësisht bindjeve të tyre politike.
