Lirohet këngëtari Aleksandër Gjoka, i cili u arrestua dje pasi u kap nga policia teksa drejtonte mjetin në gjendje të dehur. Gjykata e Tiranës ka dhënë sot vendimin për lirimin e këngëtarit.
Gjykata ka vendosur masën e sigurisë ‘detyrim paraqitje’ për këngëtarin e mirënjohur shqiptar.
Njoftimi i Policisë së Tiranës:
Nga specialistët e qarkullimit rrugor në Komisariatin e Policisë Rrugore u bë arrestimi në flagrancë i shtetasit: A. Gj., 60 vjeç, banues në Tiranë.
Arrestimi i tij u bë pasi më datën 23.12.2019, rreth orës 00.15, është ndaluar nga shërbimet e Komisariatit të Policisë Nr 4 në rrugën ‘Sotir Caci’ duke drejtuar mjetin veturë, tip ‘Chevrolet’.
Pas testimit me aparat ‘Drager’, nga shërbimet e Policisë Rrugore rezultoi se ky shtetas drejtonte mjetin në gjendje të dehur në masën 0.66 mg/l.
Materialet i kaluan Prokurorisë se Rrethit Gjyqësor Tiranë, për veprën penale ‘Drejtimi i automjeteve në mënyrë të parregullt’.
