Është bërë virale ideja e një mësueseje nga Valladolid i Spanjës që në përpjekje për tu mësuar sa më mirë nxënësve të saj pjesët e trupit në lëndën e Anatomisë ka përdorur një kostum interesant. Daily Mail shkruan se Verónica Duque jep mësim prej 15 vitesh për nxënësit e fillores dhe se gjithmonë ishte përpjekur të bëhej sa më kreative.
Ishte fillimisht bashkëshorti i saj që postoi në Twitter foton e gruas së tij: “Shumë krenar për këtë ide dhe jam me fat që kam këtë grua. Sot ajo u shpjegoi anatominë njerëzore studentëve të saj në një mënyrë shumë origjinale. Dhe fëmijëve kjo u pëlqeu” – shkroi ai.
“E shkëlqyeshme. Spektakolare. Inteligjente. Mjeshtëri. Me siguri studentët nuk do ta harrojnë këtë në jetën e tyre”, - ka qenë një nga komentet e shumtë në rrjetet sociale. Ajo shpesh i befason nxënënsit e saj duke përdorur veshje dhe maska kur jep lëndën e Historisë. ©LAPSI.al
